ଭୁବନେଶ୍ବର: ରାଜଧାନୀରେ ବିଭତ୍ସ ହତ୍ୟାକାଣ୍ଡ । ଖଣ୍ଡଗିରି ଥାନା ଅନ୍ତର୍ଗତ ବାହାଦଲପୁର ଠାରେ ଏହି ହତ୍ୟାକାଣ୍ଡ ଘଟିଛି । ମୃତକଙ୍କ ନାଁ ଅଶୋକ ସେଠୀ। ସେ ଡ୍ରାଇଭର ଭାବେ କାମ କରନ୍ତି। ଅଶୋକଙ୍କ ଘର କଳା ପଥର ହୋଇଥିବା ଜଣାପଡ଼ିଛି । ନିଶାଶକ୍ତ ଅବସ୍ଥାରେ ଦେବାଶିଷ ଧୀବର ନାମକ ଆଉ ଜଣେ ଡ୍ରାଇଭର ତାଙ୍କୁ ପିଟିପିଟି ହତ୍ୟା କରିଥିବା ଜଣାପଡିଛି। ଘଟଣା ସ୍ଥଳରେ ଖଣ୍ଡଗିରି ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ହତ୍ୟାକାଣ୍ଡର କାରଣ ଜଣାପଡି ନ ଥିବା ବେଳେ ପୂର୍ବ ଶତ୍ରୁତାରୁ ହତ୍ୟା କରାଯାଇଥିବା ସନ୍ଦେହ କରାଯାଉଛି।
